See also: » 14.04.2014 - Anders Fogh Rasmussen: Stopp propagandaen, Putin » 11.04.2014 - Ensom i Tigerstaden » 10.04.2014 - "Laurbærkrans" med null innhold » 12.03.2014 - Hva sier folkeretten om situasjonen på Krim? » 12.03.2014 - "House of something II": Kutt i kultursektoren » 16.10.2013 - Grønt lys for Albania og Makedonia i EU » 25.06.2013 - Opposisjonsseier ved valget i Albania » 21.06.2013 - EU-tilnærmingen står på spill når Albania går til valg

Finn autentiske matoppskrifter fra hele verden på Verdensmat.no: Gazpacho Børek Kartoffelsalat Taboulé Gulasj Albóndigas Cevapi Rougaille Japrak sarma Zwiebelbrot Klopse Giouvetsi Paella Pljeskavica Pica pau Pulpo a la gallega Flammkuchen Langosj Tapenade Chatsjapuri Pasulj Lassi Kartoffelpuffer Tortilla Raznjici Knödel Lentejas Bœuf bourguignon Korianderchutney Brenneslesuppe Proia Sæbsi kavurma Sardinske calamares

Autentiske matoppskrifter fra hele verden finner du på Verdensmat.no: Réunion Portugal Aserbajdsjan Serbia Tyskland Seychellene Bosnia Spania Libanon Belgia India Kroatia Hellas Italia Ungarn Komorene Georgia Mauritius Østerrike Romania Frankrike

Albanias forhatte diktator, Enver Hoxha, i 1966

© Nëntori/GNU/Kureren

Debatt, Kureren, 17. oktober 2013 - Det er lett å forstå korfor albanarar så inderleg ønskjer seg EU-medlemskap, skriver Mads Opheim, leiar i Ungdom mot EU. Men dei samme grunnane som gjelder for norsk neiside, gjelder også for eit av Europas fattigaste land, legger han til.

I Albania møtte vi mange politisk engasjerte ungdommar. Dei bad oss forstå korfor albanarar så inderleg ønskjer seg EU-medlemskap. Vi lytta og vi forsto.

Albania tok dei første stega mot medlemskap i 2009. Det er snakk om at denne prosessen vil skyte fart før nyttår, og at det skal behandles på EUs toppmøte i november.

Få av dei veit stort om kva EU er eller kva ein medlemskap faktisk vil innebere i endringar for landet. Det er da heller ikkje det viktige, for det finst to EU. Det er det EU vi kvar einaste dag ser, som er ein politisk aktør og ein politisk union, med sine organ, direktiv, overstyring og utfordringar. Det andre EU er langt meir forlokkande: ideen om eit samla, foreint, samarbeidande Europa - eit "europeisk FN". Det er denne ideen om Europa som rører og lokkar albanarane.

Vi forstår dei. Dette er det samme Albania som i førti år, frå 1943 til 1985, var styrt av den totalitære Enver Hoxha, det Albania som isolerte seg frå resten av verda og var seg sjølv nok - med lite hell. Dei er som ein konsekvens framleis blant Europas fattigaste land.

At eit sånt land søkjer innpass i kontinentets dominerande union, skulle nesten berre mangle.

Ei heller er det rart. Mange av våre heimlege argument mot medlemskap gjeld også i albansk samanheng, men fleire av dei gjer ikkje. Det går på alt frå økonomi til demokrati og kva som er gyldige argument i dag kontra på sikt. "EU er eit hinder for eit fullstendig demokrati", kan vi på norsk neiside seie. "Det har vi ikkje uansett", kan ein albanar heilt rettmessig innvende. På kort sikt vil også Albania udiskutabelt få økonomisk vinst av EU-medlemskap.

Vi er motstandarar av EU-medlemskap av prinsipielle årsaker.

EU grunnlovsfestar ein bestemt økonomisk politikk, flyttar makta lengre vekk frå folk og frå folkevalde til byråkratar, lobbyistar, forvaltninga og rettsvesenet. Politikken skal lages og vedtas av folkets valde representantar, ikkje bevisst lages utydeleg så det blir opp til embetsverket eller domstolane å lage den faktiske politikken. Folket skal få bestemme kva slags politikk dei skal få, derfor er vi mot at Noreg skal inn i EU. Av samme grunn vil vi sterkt tilrå våre albanske vennar å halde seg utanfor.

Ikkje fordi det lønner seg. Ikkje fordi vi er glade i isolasjon. Men fordi vi er konsekvente og prinsipielle demokratar og ikkje vil selje folkestyret for kortsiktig økonomisk vinning. Demokratiet er ikkje til sals.

Av Mads Opheim, leiar i Ungdom mot EU

© Kureren